Ministri i Punëve të Jashtme, Nikolla Dimitrov sot në margjinat e Forumit ekonomik në Delfi, Greqi, ka pasur takim me zëvendës ndihmës sekretarin shtetëror të SHBA-së, Methju Palmer dhe ambasadorin amerikan në Athinë, Xhefri Pajat.

Në takimin, siç publikoi Dimitrov në Tuiter, u bisedua për çështje rajonale dhe bashkëpunimin bilateral.

Në Delfi, Dimitrov duhet të takohet edhe me shefin e diplomacisë greke, Jorgos Katrugallos, njoftoi korrespodentja e MIA-s nga Athina.

Dimitrov dhe Katrugallos janë pjesë e pjesëmarrësve në forum, ndërsa ministri i Maqedonisë Veriore do të mbajë edhe fjalim.

Agjencia greke e lajmeve ANA-MPA, duke iu referuar burimeve diplomatike publikoi se fokusi i takimit do të vendoset në implementimin e Marrëveshjes nga Prespa, “si dhe në problemet teknike dhe praktike të cilat për çdo ditë paraqiten gjatë zbatimit”.

Dimitrov mbrëmë në Delfi ka pasur takim edhe me ministrin grek të Punëve të Jashtme, Nikos Koxias.

“Ardhmëria e miqësisë, bashkëpunimi i ngushtë dhe partneriteti strategjik në të gjitha sektoret është hapur. Rajoni ynë është krenar në historinë e vet. Por, me Marrëveshjen e Prespës, tani mundemi të krenohemi edhe me arritjet në kohën tonë”, ka shkruar Dimitrov në Tuiter pas takimit me Koxiasin.

Ministri Nikolla Dimitrov në kuadër të forumit në Delhi do të ketë edhe takime tjera bilaterale./MIA